上神山我是跟 river junkie 的, 我之前 3-4 months, email 問了 laban rata 幾次, 都話冇位. 但 local Tour 就有位喎. 價錢都係 around rm800 左右全包. 於是我跟 rj 訂, 用
credit card一早俾哂錢. 早一天, 我打俾 rj 的聯絡人, 俾了我手電佢, 有乜事, 佢都搵到我嘛.
今天早上 6:30 就在 kk 市, 乘 rj 的車入去神山登山入口, 車程要 1.5 hrs. 今天天氣很好, 很少雲. rj 的
staff 大多數都只係 simple english, 唔係好識廣東話. 到達後, rj staff 就幫我搞 mountain
guide, permit 之類, 仲可以請 poter, 咁我一條友, 一個背囊仔, 一支手杖, 6 條朱古力, 頭燈, 一對手套,
一件夾綿大衣, 中型毛巾, 內衣, 長衫, 2 部相機, 1gps, 1 手機, 1pda, 2 extra 差電, 一支 1.5L 寶礦力,
3包紙巾, 一包保礦力沖包, 加埋 lunchbox, 咁少野, 唔駛請啦. d 野食下食下就會輕的啦.
條路就係咁行
我就係要行路上去.
搞緊 permit 果時, 我就四圍行下影下相, 入口處有間餐廳仔,在樓梯下面, 可以食野.
山下植物
跟住就再搭車到 pondok timpohon, 9:30am 就開始登神山了. 行了冇耐, 就會見到瀑布, 例牌影返張相.
點解可以咁快行上神山 ???
入口
一開頭行好 easy, 仲唔用支手杖添. 體力夠嘛, 行下行下, 越來越累, 嘩…..只行到一半渣喎. 死啦, 仲有一半先到 laban
rata, 點解行了咁耐先行得一半 ??? 當你隻腳冇力果時, 你向上望, 仲有一半路先到 laban rata, 你估心情如何
? 是不是想放棄 ? 我沒有, 因為我毅力就冇乜, 體力就有少少. 上!
松鼠仔
涼亭可以休息下
山上植物
3km 後, 真係好辛苦, 我不斷聽到自己不停的深呼吸聲, 越行越慢, 好多上斜, 不斷上斜, 又冇乜平路, 人又累, 隻腳冇乜力行上一樓級. 手杖係必要就係咁解, 放上一級, 用隻手借力, 升個人上去. 可以減輕腿部的用力.
行呢 d 路, 一路一路行上去.
中途風景幾靚, 天氣又好, 沒有下雨, 真好彩. 我件保暖透汗透汗長衫很好, 很舒服, 在灣仔出口店買, $80 only,
效果一點都不差. 短衫亦係一樣, 透汗, 快乾很緊要. 大家知道係乜質料啦 ? 好似波衫果 d 呢. 唔係講笑, 我出汗出到成件衫濕哂,
好似掉了落水咁!
13:40 千辛萬苦, 終於到 laban rata, 拿了住宿鎖匙後, 拿拿聲上 2 樓, 沖個熱水涼先 (聽人講遲 d 冇熱水嘛), 真係
amazing! 爽哂. 5:30pm 先開始食晚飯. 我是不是傻傻地, 洗埋個頭 (成頭汗喎), 抹極都抹唔乾,
就上床去睡覺. 真係一睡醒, 即有少少頭痛…….我沒有食藥 (想試下自己有冇高山反應嘛) 好好彩, 我本身好似沒有高山反應.
唔知邊個話神山 d 野好難食, 不知幾正, 又熱. 有肉醬意粉, 有肉, 有飯, 有蛋, 有菜, 有熱茶. 我帶了個杯麵上去, 原封不動.
食飽飽, 就回到我住的 gunting lagadan, 坐在門口, 望住漸漸日落的景色, 直到天黑, 呆呆的. 享受很美妙的大自然的氣息. 城市人的我, 難得感受到優閒, 寫意, 生活在大自然當中.
雖然 Gunting lagadan 沒有暖氣, 但真的唔凍啊. 7:00pm, 就上回床上, 睡覺了. 但總是睡不了.
神山景色
幾間住宿其實都唔係太遠.
沒有暖氣, 但房間不錯啊, 一房 4 人.
美味晚餐
用餐處望出去
山上雀仔
得 9 度渣